“Mahalla yettiligi”ning hamjihatlikdagi faoliyati, aholi murojaatlariga manzilli yechim topish va hududdagi muammolarni o‘z vaqtida bartaraf etish deputatlik nazoratining muhim yo‘nalishlaridan biridir.

Termiz shahrida mahalla boshqaruv tizimi samaradorligini oshirish, “mahalla yettiligi” faoliyatini muvofiqlashtirish va fuqarolarni qiynayotgan masalalarni joyida o‘rganish yuzasidan deputatlik nazorati tadbirlari davom etmoqda.

Shu doirada xalq deputatlari Termiz shahar Kengashi raisi, 9-“Abdulla Avloniy” saylov okrugi deputati D.Normuradova hamda kotibiyat bosh mutaxasissi R.Mamashukurovlar “Farxod” mahallasida bo‘lib, mahalla raisi bilan PF-116-sonli Farmon ijrosi va aholi muammolari muhokama qilindi.
Uchrashuvda Kengash deputatlari faoliyati uchun belgilangan “24 ta eng muhim yo‘nalish” doirasida tashkil etilib, O‘zbekiston Respublikasi Prezidentining 2026-yil 24-iyundagi PF-116-sonli Farmonida belgilangan vazifalarning mahalla miqyosidagi ijrosi muhokama qilindi.

Yig‘ilish davomida quyidagi masalalarga alohida e’tibor qaratildi:

“Mahalla yettiligi” hamkorligi. Mahalla raisi, hokim yordamchisi, xotin-qizlar faoli, yoshlar yetakchisi, profilaktika inspektori va ijtimoiy xodimning o‘zaro hamkorligini kuchaytirish, xonadonbay ishlash orqali aholi ehtiyojlarini aniqlash va mavjud muammolarga yechim topish.

Aholi murojaatlari va ijtimoiy masalalar. Kam ta’minlangan oilalarni qo‘llab-quvvatlash, ishsiz fuqarolar bandligini ta’minlash, ehtiyojmand xonadonlar bilan manzilli ishlash hamda hududiy infratuzilmadagi muammolarni o‘z vaqtida aniqlash.

Deputatlik nazorati va muammolar yechimi. Mahallalarda yo‘l, elektr ta’minoti, ichimlik suvi va obodonlashtirish bilan bog‘liq masalalarni o‘rganish, vakolatli tashkilotlarga deputatlik so‘rovlari yuborish orqali ularning qonuniy hal etilishiga ko‘maklashish masalalari ko‘rib chiqildi. Jumladan, “Farxod” mahallasida aniqlangan muammolarni hal etish bo‘yicha olib borilayotgan ishlar ham muhokama qilindi.

Muhokama yakunida mahalladagi mavjud masalalarni tizimli ravishda o‘rganish, mas’ullar o‘rtasidagi hamkorlikni kuchaytirish va belgilangan vazifalar ijrosini nazorat qilish yuzasidan tegishli tavsiya va ko‘rsatmalar berildi.

Deputatlik nazoratining bosh maqsadi — Farmon ijrosini joylarda ta’minlash, mahalla boshqaruvida mas’uliyatni oshirish va aholi muammolarini amaliy natijalar orqali hal etishga ko‘maklashishdir.