Xalq deputatlari Yunusobod tumani Kengashi deputati, tuman hokimi Saidaliyev A., tuman prokurori Y.Abdurahmonov hamda tuman IIO FMB boshlig‘i M. Vafoyev tomonidan O‘zbekiston Respublikasi Prezidentining 2026-yil 11-sentabrdagi PF-193-son Farmonida belgilangan vazifalar ijrosi yuzasidan “Yoshlar ijod saroyi” binosida “Mehnat yarmarkasi” tashkil etildi. Yoshlarning bandligini ta’minlash, ularni munosib ish o‘rinlariga yo‘naltirish hamda ijtimoiy himoyaga muhtoj oilalarni qo‘llab-quvvatlash masalalari yuzasidan amaliy ishlar o‘rganildi.

✅Yarmarkada tumandagi 64 ta mahalladan 100 nafardan ortiq ishsiz yoshlar, shuningdek, ijtimoiy himoyaga muhtoj oilalarning ishsiz a’zolari ishtirok etdi.

📝Tadbirda Yunusobod tumanida faoliyat yuritayotgan bank filiallari, tadbirkorlik subyektlari hamda Yunusobod tuman Kambag‘allikni qisqartirish va aholi bandligi bo‘limi tomonidan mavjud bo‘sh ish o‘rinlari taqdim etildi.

❗️Natijada 70 nafardan ortiq ishsiz fuqaroning bandligi ta’minlandi.

📌 Qonuniy asos: O‘zbekiston Respublikasining “Aholi bandligi to‘g‘risida”gi Qonuniga muvofiq, aholi, ayniqsa, yoshlarning bandligini ta’minlash, ularni kasbga o‘qitish va mehnat bozorida raqobatbardoshligini oshirish davlat siyosatining muhim yo‘nalishlaridan biridir.

🔹 Deputatlik nazorati doirasida yoshlarning bandligini ta’minlash, bo‘sh ish o‘rinlari to‘g‘risida xabardorligini oshirish va murojaatlarini amaliy hal etish bo‘yicha ishlar izchil davom ettiriladi.