Xalq deputatlari Chinoz tumani Kengashi 3-U.Yusupov saylov okrugidan saylangan deputat Mirsoat Mirsodiqov tomonidan Kengash ish rejasiga asosan tumandagi Sport maktabi faoliyati o‘rganildi.

O‘rganish jarayonida sport maktabining moddiy-texnik bazasi, mavjud shart-sharoitlar, yoshlar uchun yaratilgan imkoniyat hamda o‘quv-mashg‘ulot jarayoni ko‘zdan kechirildi. Shuningdek, murabbiylar faoliyati, sportchilar erishayotgan natija va vazifalar yuzasidan mas’ullar bilan muloqot olib borildi.

O'rganish davomida mavjud kamchiliklar tahlil qilinib, ularni bartaraf etish, sport infratuzilmasini yanada rivojlantirish, yoshlarni sportga keng jalb etish bo‘yicha tegishli tavsiyalar berildi.

Mazkur o‘rganish jismoniy tarbiya va sportni rivojlantirish, sog‘lom turmush tarzini targ‘ib etish, yosh avlodni har tomonlama qo‘llab-quvvatlashga xizmat qiladi.