🔰 Xalq deputatlari Chinoz tumani Kengashiga 15-Istiqlol saylov okrugidan saylangan deputat O. Dadajonovga biriktirilgan Kengash kotibiyati bosh mutaxassisi B. Ortiqboyev tomonidan Kengash ish rejasiga muvofiq Nafis mahalla fuqarolar yig‘inida soliq inspektori faoliyati o‘rganildi.
📋 O‘rganish davomida mahallada faoliyat yuritayotgan 56 ta yakka tartibdagi tadbirkor va 12 ta yuridik shaxsning soliq majburiyatlarini bajarishi, to‘lovlarning o‘z vaqtida amalga oshirilishi hamda tadbirkorlik subyektlari bilan olib borilayotgan ishlar tahlil qilindi.
💰 Shuningdek, mahallaning ijtimoiy-iqtisodiy muammolarini hal etish jamg‘armasi mablag‘larining shakllanishi va sarflanishi ko‘rib chiqildi. Soliq qarzdorligini kamaytirish, qo‘shimcha daromad manbalarini aniqlash, soliq qonunchiligi bo‘yicha tushuntirish ishlarini kuchaytirish hamda tadbirkorlik subyektlarini qo‘llab-quvvatlash masalalariga alohida e’tibor qaratildi.
👥 AHOLI BANDLIGINI TA’MINLASH BO‘YICHA AMALIY ISHLAR
📌 Deputat O. Dadajonov tomonidan Oydin, Rasulobod va Nafis mahallalarida ijtimoiy reyestrga kiritilgan oilalar, reyestrga kiritilmagan ishsiz fuqarolar hamda mehnat migratsiyasidagi shaxslarning oilalari holati o‘rganildi.
🤝 O‘rganishlar davomida ishsiz fuqarolarni ish bilan ta’minlash, ularning bandligini oshirish va oilalar daromadini yaxshilash masalalariga alohida e’tibor qaratildi.
✅ Amaliy natija sifatida reyestrga kiritilmagan ishsiz fuqarolardan 4 nafari — X. Boboyev yordamchi ishchi, N. Poyonov operator, L. Ulukberdiyeva va D. Ko‘ziboyevalar esa qadoqlovchi lavozimlariga “JU FU” korxonasiga ishga joylashtirildi.
🔹 Bunday o‘rganishlar aholi muammolarini aniqlash, ularni joyida hal etish, ishsiz fuqarolar bandligini ta’minlash hamda mahallalarda ijtimoiy-iqtisodiy barqarorlikni mustahkamlashga xizmat qiladi.