📍 Katta Chilonzor mahallasida yo‘llarni ta’mirlash va asfaltlash uchun 210 million so‘m mablag‘ ajratildi.
Xalq deputatlari Chilonzor tumani Kengashining III-24-84-14-204-K/26-sonli qaroriga muvofiq, Katta Chilonzor mahallasidagi 11-, 12-, 13-, 41- va 51-uylar atrofidagi yo‘llarni ta’mirlash hamda asfaltlash ishlari uchun mablag‘ yo‘naltirildi.
Mazkur mablag‘lar Xalq deputatlari Chilonzor tumani Kengashi deputati Sultonov Bahodir Turgunovichning deputatlik so‘rovi va tashabbusi bilan hudud infratuzilmasini yaxshilash maqsadida ajratildi.
✅ Ushbu ishlar mahalla aholisi uchun qulay va xavfsiz harakatlanish sharoitlarini yaratish, yo‘llar bilan bog‘liq muammolarni bartaraf etishga xizmat qiladi.
🔎 Deputat Sultonov Bahodir Turgunovich yo‘llarni ta’mirlash va asfaltlash ishlarining sifatli hamda o‘z vaqtida bajarilishini nazoratga oladi. Shuningdek, amalga oshirilayotgan ishlar natijadorligi va aholi manfaatlari ta’minlanishiga e’tibor qaratadi.
Deputat tashabbusi — aholi muammolariga amaliy yechim!