Sessiya kun tartibidagi masala yuzasidan fuqarolar fikri o‘rganildi

Xalq deputatlari Pastdarg‘om tumani Kengashi deputati G. Bozorova tomonidan Kengashning navbatdagi sessiyasi kun tartibiga kiritilgan “Pastdarg‘om tuman adliya bo‘limi tomonidan 2026-yilning 6 oyi davomida tumandagi davlat organlari va tashkilotlarining norma ijodkorligi faoliyati, huquqni qo‘llash amaliyoti hamda huquqiy targ‘ibot va ma’rifatning holati to‘g‘risida amalga oshirilgan ishlar bo‘yicha axboroti” yuzasidan Balxiyon mahallasi fuqarolari bilan suhbatlashdi.

📌 Muloqot davomida fuqarolarning huquqiy savodxonligini oshirish, huquqiy targ‘ibot tadbirlarining samaradorligi, davlat organlari tomonidan qonunchilik talablarining qo‘llanilishi hamda aholining huquqiy masalalar bo‘yicha murojaatlari yuzasidan fikrlar o‘rganildi.

🗣️ Fuqarolar tomonidan bildirilgan taklif va mulohazalar umumlashtirilib, mazkur masalani sessiyada muhokama qilish jarayonida deputatlik nuqtayi nazaridan foydalanish uchun tegishli xulosalar shakllantirildi.

📱 Sessiya oldidan fuqarolar fikrini o‘rganish — kun tartibidagi masalalarni amaliy ehtiyojlar bilan uyg‘unlashtirishga xizmat qiladi.