#deputat_faoliyati
#24_ta_tavsiyalar_ijrosi
#haftalik_ish_reja_ijrosi
#kotibiyat_xodimi_faoliyati

Sanitariya-epidemiologiya binosi qurilishi deputatlik nazoratida

Xalq deputatlari Termiz tuman Kengashi 4-Yangihayot saylov okrugi deputati G. Shafoatova saylangan hududda O‘zbekiston Respublikasi Prezidenti hujjatlari, Oliy Majlis palatalari va Hukumat qarorlari, shuningdek, oliy darajadagi tashriflar davomida erishilgan kelishuvlar asosida ishlab chiqilgan “yo‘l xaritalari”da belgilangan vazifalar ijrosi yuzasidan manzilli o‘rganish ishlari olib borilmoqda.

Xususan, Termiz tumanini ijtimoiy-iqtisodiy rivojlantirish doirasida tuman Sanitariya-epidemiologik osoyishtalik va jamoat salomatligi bo‘limi binosini qurish ishlari o‘rganildi. Ayni vaqtda qurilish ishlari yakuniy bosqichga yetib kelgan bo‘lib, obyektning belgilangan talablar asosida barpo etilishi va ishlarning sifatli yakunlanishiga alohida e’tibor qaratilmoqda.

Mazkur jarayon Xalq deputatlari Termiz tuman Kengashi kotibiyati mudiri, A. Avliyakulov tomonidan o‘rganilib, belgilangan chora-tadbirlar ijrosi, qurilishning borishi hamda ishlarning o‘z vaqtida yakunlanishi yuzasidan nazorat olib borildi.

Bunday manzilli o‘rganishlar hududni rivojlantirishga qaratilgan dasturlarning amaliy ijrosini ta’minlash, qurilish ishlarida sifat va samaradorlikni oshirish hamda aholi uchun zarur infratuzilma obyektlarini foydalanishga topshirishda muhim ahamiyat kasb etadi.