O‘zbekiston Respublikasi Prezidentining 2026-yil 23-sentabrdagi PF-206-sonli “Yashil makon” umummilliy loyihasini amalga oshirishda mahallalar rolini kuchaytirish va hududlarning yashillik darajasini tubdan oshirishga doir chora-tadbirlar to‘g‘risida”gi Farmoni ijrosini ta’minlash maqsadida Chilonzor tumani hokimligi tashabbusi bilan Bek-To‘pi mahallasida obodonlashtirish va ko‘kalamzorlashtirish tadbiri tashkil etildi.
Tadbirda Chilonzor tumani hokimi Saidqahhor Xolxo‘jayev, tuman prokurori Taxirjon Xusanov hamda xalq deputatlari Chilonzor tumani Kengashi deputati Xusainov Alisher Abduvahobovich ishtirok etib, hududda daraxt ko‘chatlari ekish ishlariga hissa qo‘shdilar.
Shuningdek, mahalla hududida tozalikni ta’minlash, atrof-muhitni obodonlashtirish va yashil hududlarni kengaytirish bo‘yicha ishlar amalga oshirildi.
🌱 Yashil hududlarni ko‘paytirish, tabiatni asrash va mahallalarda qulay ekologik muhit yaratish — barchamizning umumiy vazifamiz!