Xalq deputatlari Yangiobod tuman Kengashi deputati A.Isroilov tomonidan Do‘stlik mahallasi, Pastkichaqir qishlog‘ida “Yangi O‘zbekiston qiyofasi” dasturi doirasida qurilayotgan piyodalar yo‘lagining qurilish jarayoni joyiga chiqqan holda o‘rganildi.

O‘rganish davomida piyodalar yo‘lagini barpo etish bo‘yicha olib borilayotgan ishlarning amaldagi holati, qurilish jarayonining belgilangan loyiha va talablar asosida tashkil etilishi, yo‘lak uchun tayyorlanayotgan asos, foydalanilayotgan qurilish materiallari hamda bajarilayotgan ishlarning sifati ko‘zdan kechirildi.

Shuningdek, yangi piyodalar yo‘lagi hudud aholisi uchun xavfsiz va qulay qatnov imkoniyatini yaratishi, maktabgacha ta’lim tashkiloti, aholi xonadonlari va boshqa ijtimoiy obyektlarga piyoda harakatlanishda qulaylik yaratishi masalalariga e’tibor qaratildi.

Qurilish ishlari bilan bir qatorda yo‘lak atrofini obodonlashtirish, piyodalar harakati uchun xavfsiz sharoit yaratish, hamda hududning umumiy ko‘rinishini yaxshilash masalalari ham muhokama qilindi.

Deputat tomonidan mas’ullarga qurilish ishlarini sifatli tashkil etish, belgilangan texnik talab va me’yorlarga qat’iy rioya qilish, aniqlangan kamchiliklarni o‘z vaqtida bartaraf etish hamda ishlarni belgilangan muddatlarda yakunlash yuzasidan tegishli tavsiyalar berildi.

Shuningdek, amalga oshirilayotgan ishlarning borishini muntazam nazorat qilib borish, qurilish yakunlangach piyodalar yo‘lagining foydalanishga qulayligi va xavfsizlik talablariga javob berishini ta’minlash zarurligi ta’kidlandi.