Uzun tumanida Senat a’zosi, viloyat Kengashi deputatlari hamda tuman Kengashi kotibiyati ishtirokida nazorat-tahlil tadbiri o'tkazildi

Oliy Majlis Senati a’zosi, xalq deputatlari viloyat Kengashi deputati Dilbar Suvonova hamda viloyat Kengashi deputati Muyassar Qodirovalar tomonidan xalq deputatlari Uzun tumani Kengashi kotibiyati bilan hamkorlikda tumanidagi "Yangi kuch" mahallasida deputatlik nazorat-tahlil tadbiri o‘tkazildi.

Tadbir davomida Senat a’zosi, viloyat deputatlari hamda tuman Kengashi kotibiyati masʼullari mahalladagi mavjud sharoitlar, aholining turmush tarzi va kundalik muammolari bilan yaqindan tanishib, hududdagi "mahalla yettiligi" faoliyatini har tomonlama tahlil qildilar.

Uchrashuvda mahallada ijtimoiy-iqtisodiy muhitni yanada yaxshilash, "Temir daftar", "Ayollar daftari" va "Yoshlar daftari"ga kiritilgan fuqarolarni har tomonlama qo‘llab-quvvatlash, ularning bandligini ta'minlash hamda huquqbuzarliklarning barvaqt oldini olish masalalari atroflicha muhokama qilindi. Shuningdek, aholini qiynab kelayotgan dolzarb masalalar yuzasidan "yettilik" a’zolarining taklif va mulohazalari tinglanib, ularni hal etish yuzasidan tegishli chora-tadbirlar belgilab olindi.
🇺🇿Xalq deputatlari Uzun tumani Kengashi kotibiyati