Xalq deputatlari Qo‘qon shahar Kengashi deputati M.Azimov saylangan “Urg‘anjibog‘” saylov okrugi hududidagi “Sumbula” mahalla fuqarolar yig‘inida Kengash Kotibiyati mudiri A.Nosirov tomonidan o‘rganish ishlari olib borildi.

O‘rganish jarayonida ijtimoiy xodim Sh.Meliboyev hamda “Madad” NNT vakili M.Toshboltayeva bilan birgalikda Habibiy ko‘chasi, 22-uyda yashovchi, Ijtimoiy reyestrga kiritilgan M.Sultonova xonadoniga tashrif buyurildi.

Tashrif davomida xonadonning mavjud sharoitlari o‘rganilib, uy-joy ta’mirlash ishlariga ehtiyoj mavjudligi aniqlandi. Mazkur masala yuzasidan olib borilgan o‘rganishda ijtimoiy xodim tomonidan xonadon ta’mirlashga muhtoj sifatida tegishli tizimga kiritilgani, shuningdek, ta’mirlash ishlari uchun “Saxovat va ko‘mak” jamg‘armasidan mablag‘ ajratilganiga qaramay, amalda ta’mirlash ishlari hali boshlanmagani ma’lum bo‘ldi.

Aniqlangan holat yuzasidan mas’ul tashkilotga deputatlik so‘rovi yuborish belgilandi. Mazkur masala tegishli tartibda ko‘rib chiqilib, ajratilgan mablag‘lar hisobidan ta’mirlash ishlarining amalga oshirilishi va fuqaroning uy-joy sharoitini yaxshilash masalasiga aniqlik kiritilishi ko‘zda tutilgan.

Deputatlik nazorati doirasida ushbu masalaning hal etilishi, mas’ul tashkilot tomonidan tegishli choralar ko‘rilishi hamda fuqaroning murojaatiga yechim topilishi yuzasidan ishlar davom ettiriladi.

Xalq deputatlari Qo‘qon shahar Kengashi