#538_nızam
#5_sanlı_K_Nurlıbaev_saylaw_okrugi
#Milliy_tiklanish_demokratik_partiyası

🌱 Deputat sharwashılıq tarawında jańadan ámelge asırılıp atrǵan jumısları menen tanıstı

⚡️ Deputat M.Zarikeev “Keńes” APJ aymaǵındaǵı “Beruniy-agro star” JSHJ sharwashılıq tarawında jańadan qurılıp atırǵan joybar sheńberinde ámelge asırılıp atırǵan qurılıs hám shólkemlestiriw jumısları menen jaqınnan tanıstı.

Úyreniw dawamında joybar aymaǵında alıp barılıp atırǵan dóretiwshilik jumısları, qurılıs procesiniń ámeldegi jaǵdayı, belgilengen joybar talaplarına ámel etiliwi hám obektti paydalanıwǵa tapsırıw boyınsha ámelge asırılıp atırǵan jumıslar kózden ótkerildi.

Sonday-aq, sharwa malların saqlaw ushın mólsherlengen imaratlar hám zárúr infrastrukturanı shólkemlestiriw, ot-jem bazasın qáliplestiriw, suw hám elektr támiynatın jolǵa qoyıw, sanitariyalıq-gigienalıq talaplarǵa ámel etiw jáne sharwa malların baǵıw ushın qolaylı sharayatlar jaratıw máselelerine ayrıqsha itibar qaratıldı.

Úyreniw procesinde joybardıń aymaq ekonomikasın rawajlandırıwdaǵı áhmieti, sharwashılıq ónimlerin jetistiriw kólemin arttırıw, jergilikli xalıqtı jumıs penen támiyinlew hám jańa jumıs orınların jaratıw imkaniyatları da dodalandı. Joybar tolıq iske qosılǵannan soń, óndirislik quwatlıqlardan nátiyjeli paydalanıw, ónim jetistiriwdi kóbeytiw hám xalıqtıń dáramat dáreklerin keńeytiwge xızmet etetuǵını atap ótildi.

Deputat tárepinen qurılıs hám joybarlaw jumısların belgilengen múddetlerde juwmaqlaw, bar kemshiliklerdi óz waqtında saplastırıw, sapa qadaǵalawın kúsheytiw hám joybar sheńberinde názerde tutılǵan wazıypalardıń tolıq orınlanıwın támiyinlew boyınsha juwapkerlerge anıq usınıslar berildi. Sonday-aq, joybar jumısın jolǵa qoyıwda nızamshılıq talaplarına ámel etiw, miynet qáwipsizligi hám sanitariyalıq qaǵıydalarǵa ámel etiw áhmietli ekenligi atap ótildi.