O‘rta Chirchiq tumanining 100 yilligiga tayyorgarlik ishlari muhokama qilindi

Xalq deputatlari O‘rta Chirchiq tumani Kengashi raisi R.Djumanova hamda deputat N.Xaitqulov ishtirokida tuman faollari, faxriylar va mahalla raislari bilan uchrashuv o‘tkazildi.

Yig‘ilishda O‘rta Chirchiq tumanining 100 yilligini munosib nishonlash masalalari muhokama qilindi. Yubiley munosabati bilan amalga oshiriladigan tadbirlar, ularni mazmunli va yuqori saviyada tashkil etish, tumanning tarixi, buguni va rivojlanish yo‘lini keng jamoatchilikka yetkazish bo‘yicha fikr va takliflar bildirildi.

Mahalla raislari hamda faxriylarning takliflari tinglanib, yubiley doirasida amalga oshiriladigan ishlarni hamjihatlikda tashkil etish muhimligi ta’kidlandi.

Uchrashuv yakunida belgilangan vazifalarni amalga oshirish bo‘yicha mas’ullarga tegishli topshiriqlar berilib, O‘rta Chirchiq tumanining 100 yilligini munosib kutib olish va nishonlashga qaratilgan ishlarni izchil davom ettirish belgilab olindi.

✅Xalq deputatlari O‘rta Chirchiq tuman Kengashi kotibiyati axborot xizmati!