Oilaviy ajrimlarning oldini olish bo‘yicha huquqiy tushuntirish berildi

Xalq deputatlari O‘rta Chirchiq tumani Kengashi deputati B.Baxovadinov tomonidan fuqarolar bilan uchrashuv o‘tkazilib, ularga oilaviy munosabatlar, er-xotinning huquq va majburiyatlari hamda oilaviy ajrimlarning oldini olish masalalari yuzasidan huquqiy tushuntirishlar berildi.

Muloqot davomida oilaning jamiyatdagi o‘rni, oilaviy munosabatlarda o‘zaro hurmat va mas’uliyatni mustahkamlash, yuzaga kelishi mumkin bo‘lgan nizolarni tinch yo‘l bilan hal etishning ahamiyati haqida batafsil ma’lumot berildi.

Oilaviy nizolarni barvaqt aniqlash, muammoli vaziyatlarni chuqur o‘rganish va ularni bartaraf etishda mahalla faollari, mutasaddi tashkilotlar hamda tegishli mas’ullar bilan hamkorlik qilish muhimligi ta’kidlandi.

Suxbat yakunida fuqarolarni qiziqtirgan savollarga javoblar berilib, oilalarda sog‘lom ma’naviy muhitni shakllantirish va oilaviy qadriyatlarni asrab-avaylash muhim vazifa ekani qayd etildi.

✅Xalq deputatlari O‘rta Chirchiq tuman Kengashi kotibiyati axborot xizmati!