XONADONDA DAROMAD MANBALARI O‘RGANILDI

Xalq deputatlari Termiz tuman Kengashi deputati G. Shafoatova tomonidan fuqarolardan birining xonadoniga tashrif buyurilib, xonadonda yo‘lga qo‘yilgan issiqxona, chorvachilik va parrandachilik faoliyati bilan yaqindan tanishildi.

O‘rganish davomida issiqxonada yetishtirilayotgan mahsulotlar, chorva mollari va parrandalarni parvarishlash holati, mavjud imkoniyatlar hamda xonadonning daromad manbalari ko‘zdan kechirildi.

Shuningdek, xonadon egasi bilan suhbatlashib, faoliyatni yanada kengaytirish, oilaviy daromadni oshirish va yangi imkoniyatlardan samarali foydalanish yuzasidan fikr va takliflar almashildi.

Deputat tomonidan xonadonlarda tadbirkorlik va tomorqadan samarali foydalanish orqali aholi bandligi va farovonligini oshirish masalalariga alohida e’tibor qaratildi.