🔰Kasanachilikni rivojlantirish – yangi imkoniyatlar

♻️Xalq deputatlari Jondor tumani Kengashi deputati B. Yusupov hamda tuman Kengashi kotibiyati bosh mutaxassisi J. Norov hamkorligida “Namgoni” mahallasida kasanachilikni rivojlantirish borasida amalga oshirilayotgan ishlar o‘rganildi.
♻️O‘rganish davomida O‘zbekiston Respublikasi Prezidentining 2023-yil 23-fevraldagi “Kasanachilikni yanada rivojlantirishga oid qo‘shimcha chora-tadbirlar to‘g‘risida”gi PQ-70-son qarori ijrosini ta’minlash maqsadida Namgoni qishlog‘ida yangidan tashkil etilgan tikuvchilik sexi faoliyatiga alohida e’tibor qaratildi.
♻️Mazkur tikuvchilik sexida yaratilgan shart-sharoitlar, ishlab chiqarish jarayoni, mavjud tikuv mashinalari va ish o‘rinlaridan samarali foydalanish holati ko‘zdan kechirildi. Shuningdek, faoliyatni yanada kengaytirish, qo‘shimcha ish o‘rinlari yaratish hamda mahalladagi xotin-qizlarni kasanachilikka keng jalb etish masalalari yuzasidan fikr almashildi.
♻️Ta’kidlanganidek, kasanachilikni rivojlantirish aholi, ayniqsa, xotin-qizlar bandligini ta’minlash, ularning daromad manbalarini kengaytirish hamda oilaviy tadbirkorlikni qo‘llab-quvvatlashda muhim ahamiyat kasb etadi.
♻️Deputatlik nazorati davomida aniqlangan masalalar yuzasidan tegishli taklif va tavsiyalar berilib, mazkur yo‘nalishdagi ishlarni izchil davom ettirish zarurligi qayd etildi.
👉Kasanachilikni rivojlantirish, yangi ish o‘rinlarini yaratish va aholi bandligini ta’minlash borasidagi ishlar deputatlik nazorati ostida davom etadi.

🇺🇿Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt