Xususan, «Yangier» mahallasi hududida joylashgan Yangier istirohat bog‘ida olib borilayotgan qurilish va obodonlashtirish ishlari bilan yaqindan tanishildi.

O‘rganish davomida qurilish ishlarining borishi, yaratilgan sharoitlar hamda belgilangan vazifalarning sifatli va o‘z vaqtida bajarilishiga alohida e’tibor qaratildi.

Yangier istirohat bog‘ining zamonaviy qiyofa kasb etishi, aholi, ayniqsa, yoshlar uchun munosib dam olish va bo‘sh vaqtlarini mazmunli o‘tkazish imkoniyatlarini kengaytirishga xizmat qilishi ko‘zda tutilmoqda.

Deputat tomonidan mas’ullarga qurilish ishlarini belgilangan talablar asosida sifatli tashkil etish, obodonlashtirish ishlarini jadallashtirish hamda aholi uchun qulay va zamonaviy muhit yaratish yuzasidan tegishli taklif va tavsiyalar berildi.