Xalq deputatlari Zarbdor tuman Kengashiga 3-Yangiobod saylov okrugidan saylangan deputat M.Gaipov hamda O‘zbekiston Respublikasi Prezidenti huzuridagi Ijtimoiy himoya milliy agentligi mutasaddisi bilan birgalikda Yangiobod mahallasi idorasida yoshlar bilan uchrashuv o‘tkazdi hamda yoshlarga ajratilgan qishloq xo‘jaligi yer maydonlari holatini o‘rgandi.

Uchrashuv davomida Xalq deputatlari Zarbdor tuman Kengashi qarori asosida hududlarda yoshlar uchun ajratilgan yer maydonlarini sug‘orish tizimi bilan ta’minlash maqsadida artezian quduqlar qazish, suv nasoslarini o‘rnatish hamda sug‘orish infratuzilmasini yaxshilash bo‘yicha amalga oshirilayotgan ishlar muhokama qilindi.

Shuningdek, yoshlarning murojaat va takliflari tinglanib, yer maydonlaridan samarali foydalanish, dehqonchilik faoliyatini rivojlantirish hamda yoshlar bandligini ta’minlash masalalariga alohida e’tibor qaratildi.