Yoshlar maslahat guruhining navbatdagi yig‘ilishi bo‘lib o‘tdi.

Xalq deputatlari Angor tumani Kengashi huzuridagi Yoshlar maslahat guruhi a’zolari ishtirokida navbatdagi yig‘ilish tashkil etildi. Yig‘ilishni yoshlar maslahat guruhi yetakchisi Shaxobiddin Aliqulov olib bordi.

Yig‘ilish davomida yoshlarni qo‘llab-quvvatlash, ularning bandligini ta’minlash, bo‘sh vaqtini mazmunli tashkil etish hamda ijtimoiy faolligini oshirish borasida amalga oshirilayotgan ishlar muhokama qilindi.

Shuningdek, O‘zbekiston Respublikasi Prezidentining yoshlarga oid davlat siyosatini yanada takomillashtirishga qaratilgan qarorlari mazmun-mohiyati yuzasidan fikr almashildi. Xususan, yoshlarning tadbirkorlik tashabbuslarini qo‘llab-quvvatlash, kasb-hunarga o‘qitish hamda ularni zamonaviy bilim va ko‘nikmalarga ega etish masalalari atroflicha ko‘rib chiqildi.

📝 Yig‘ilish yakunida yoshlar bilan ishlash samaradorligini oshirish, ularning muammo va takliflarini tizimli o‘rganish hamda amalga oshirilayotgan loyihalarda yoshlarning faol ishtirokini ta'minlash bo'yicha tegishli vazifalar belgilab olindi.