Xalq deputatlari Qo‘qon shahar Kengashi raisi O’.Tojiyeva tomonidan Kengash kotibiyati xodimlari ishtirokida joriy hafta davomida amalga oshirilishi rejalashtirilgan ishlar va tadbirlar yuzasidan ishchi uchrashuv o‘tkazildi.

Uchrashuv davomida haftalik ish rejalari, hududlarda olib boriladigan o‘rganishlar, sayyor qabullar, doimiy komissiyalar yig‘ilishlari hamda aholi murojaatlari bilan ishlash masalalari muhokama qilindi.

Shuningdek, deputatlar faoliyatini muvofiqlashtirish, fuqarolar murojaatlarini o‘z vaqtida ko‘rib chiqish, joylardagi muammolarni tizimli o‘rganish hamda tegishli tashkilotlar bilan hamkorlikni yanada kuchaytirish yuzasidan vazifalar belgilab olindi.

Yig‘ilishda Kengash kotibiyati xodimlariga hududlarda olib borilayotgan ishlarni doimiy nazorat qilish, amalga oshirilayotgan tadbirlarning samaradorligini oshirish hamda aholiga yaqindan xizmat qilish bo‘yicha tegishli topshiriqlar berildi.

Mazkur ishchi uchrashuv rejalashtirilgan vazifalarni tizimli tashkil etish, ijro intizomini mustahkamlash hamda Kengash faoliyati samaradorligini yanada oshirishga xizmat qiladi.

Xalq deputatlari Qo‘qon shahar Kengashi