Xalıq deputatları Bozataw rayonlıq Keńesı 1-Palwash ataw saylaw okruginen (ÓzMTDP) deputat A.Ibragimov tárepinen óz aymaǵındaǵı “Berdaq gúzarı” kóshesinıń abadanlastırıw hám puqaralardıń egin maydanların bir qatar kózden ótkerdi.

Ushırasıw dawamında “Bozataw” poselka puqaralar jıyını baslıǵı hám “Berdaq gúzarı” kóshesi biyi menen aymaqtaǵı sociallıq jaǵday, abadanlastırıw jumısları, kóshelerdi tártiplestiriw hám puqaralardıń kúndelikli turmısına baylanıslı máseleler keńnen sóz etildi.

Dáslep deputat “Bozataw” poselka puqaralar jıyını baslıǵı hám “Berdaq gúzarı” kóshesi biyi menen birgelikte kóshelerdi aralap shıǵıp, aymaqta ámelge asırılıp atırǵan abadanlastırıw jumıslarınıń barısı menen tanıstı. Ásirese, kóshelerdiń tazalıǵı, puqaralar ushın qolaylıq jaratıw máselelerine ayrıqsha itibar qaratıldı. Kóshe boylarındaǵı tártiplilikti saqlaw, qıytaq jerlerdi nátiyjeli paydalanıw hám sanitariya jaǵdayların jaqsılaw boyınsha da pikir almasıwlar bolıp ótti.

Úyreniwler dawamında ayrım kóshelerde abadanlastırıw jumısların jáne de kúshiytiw, tazalıqtı turaqlı saqlaw hám bos turǵan jerlerden maqsetli paydalanıw boyınsha tiyisli usınıslar berildi.
Máhálle baslıqları hám kóshe biyleri tárepinen aymaqta ushırasıp atırǵan ayrım mashqalalar kóterilip, olardı sheshiw boyınsha tiyisli uyımlar menen birgelikte islew kerekligi bildirildi.

Deputat óz sózinde aymaqlardı abadanlastırıw, xalqımız ushın qolay turmıs jaǵdayın jaratıw hám puqaralar menen turaqlı sáwbet alıp barıw eń áhmiyetli wazıypalardan biri ekenligin atap ótti.
Sonday-aq bul sıyaqlı úyreniwler arqalı orınlardagi mashqalalardı óz waqtında anıqlap, olardı sheshiw boyınsha ámeliy ilajlar belgilenetuǵının bildirdi.