Tadbir davomida hududda amalga oshirilayotgan bunyodkorlik va ijtimoiy infratuzilma obyektlaridagi ishlar holati atroflicha o‘rganildi. Xususan, Oltinsoy tumani “Bo‘ston” MFY hududida joylashgan ko‘p tarmoqli tibbiyot birlashmasining rekonstruksiya ishlari bilan yaqindan tanishildi. Mazkur qurilish ishlari “XOJI AKBAR MEGA QURILISH” MCHJ tomonidan amalga oshirilayotgani qayd etildi. 

O‘rganish jarayonida qurilish ishlari sifati, belgilangan muddatlarga rioya etilishi, obyektning zamonaviy talablar asosidabarpo etilishi hamda aholiga qulay va sifatli tibbiy xizmat ko‘rsatish uchun yaratilayotgan sharoitlarga alohida e’tibor qaratildi. Obyekt hududida mavjud ayrim kamchilik va muammolar tahlil qilinib, ularni bartaraf etish yuzasidan mas’ullarga tegishli topshiriq va ko‘rsatmalar berildi. Qurilish-montaj ishlarini jadallashtirish, sifat nazoratini kuchaytirish hamda ish faoliyatini yanada samarali tashkil etish bo‘yicha aniq vazifalar belgilab olindi. 

Shuningdek, "Chep" mahallasi yettiligi faoliyati o'rganilib, joriy yilning o'tgan davrida amalga oshirgan ishlari
tahlil qilindi. Mahalladagi muammolar deputatlar tomonidan doimiy nazoratda ekanligi mahalla vakillari tomonidan ta'kidlandi. 

Nazorat-tahlil tadbirlari davomida hududlarni ijtimoiy-iqtisodiy rivojlantirish, aholining turmush farovonligini oshirish hamda tibbiyot muassasalarini zamonaviy infratuzilma bilan ta’minlash borasidagi ko'rsatmalar berildi.