Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston Ekologik partiyasidan saylangan deputat Y.Narbekov tomonidan tumanning “Aydarali” mahallasiga biriktirilgan soliq inspektori J.Muratov faoliyati o‘rganildi.

🔵O‘rganish jarayonida mahallada soliq intizomini ta’minlash, tadbirkorlik subyektlari bilan olib borilayotgan ishlar, aholining soliq sohasiga oid murojaatlari hamda tushuntirish ishlarining samaradorligi tahlil qilindi.

🔵Deputat tomonidan ayniqsa o‘zini o‘zi band qilgan fuqarolar, kichik biznes va oilaviy tadbirkorlik subyektlarini qonuniy faoliyat yuritishga jalb etish, soliq to‘lovchilar uchun yaratilayotgan qulayliklar va elektron xizmatlardan foydalanish darajasiga alohida e’tibor qaratildi.

🔵Mahallada soliq madaniyatini oshirish, tadbirkorlikni qo‘llab-quvvatlash va qonuniy faoliyatni kengaytirish orqali hudud iqtisodiy barqarorligiga erishish muhim ahamiyat kasb etishi ta’kidlandi.