Deputat o‘z saylov okrugidagi bunyodkorlik ishlari bilan tanishdi

✅Xalq deputatlari Bandixon tumani Kengashi deputati Azamat Pardayev o‘z saylov okrugiga qarashli “Farovon” mahallasi “Bog'i bo'ston” ko'chasida olib borilayotgan keng ko‘lamli bunyodkorlik va obodonlashtirish ishlari bilan yaqindan tanishdi.

✅Deputat hududda aholi farovonligi va harakat xavfsizligini ta’minlash maqsadida barpo etilayotgan yangi piyodalar yo‘lakchasi qurilishining borishini alohida ko‘zdan kechirdi.

✅O‘rganishlar davomida qurilish ishlarining belgilangan me’yorlar, sifat talablari hamda loyiha andozalariga to‘liq mos ravishda olib borilayotganiga alohida e’tibor qaratildi.

✅Ushbu xayrli ishlarda mahalla faollari va fuqarolar ham faol qatnashib, hashar yo‘li bilan o‘z hissalarini qo‘shmoqda. Bu esa xalqimizga xos hamjihatlik va birdamlik muhitining yana bir yorqin ko‘rinishidir.

✅Maktabga qatnayotgan o‘quvchilar, ko‘cha bo‘ylab harakatlanayotgan piyodalar uchun alohida yo‘lakchaning barpo etilishi mahalla aholisi uchun katta qulaylik yaratmoqda.

✅Bu kabi amaliy say-harakatlar hudud qiyofasini zamonaviylashtirish bilan birga, saylovchilarning munosib turmush sharoitida yashashlariga xizmat qiladi.