OILAVIY FAROVONLIK VA BANDLIK MASALALARI MFYLARDA O‘RGANILDI

O‘zbekiston “Milliy tiklanish” demokratik partiyasining 2025–2029-yillarga mo‘ljallangan saylovoldi dasturida oila jamiyatning asosiy bo‘g‘ini, milliy qadriyatlar va ma’naviyat tayanchi sifatida e’tirof etilgan.

Partiyaning yillik ish rejasiga muvofiq, Xalq deputatlari Navoiy shahar Kengashi kotibiyat mudiri Jo‘rabek Hafizov hamda kotibiyat bosh mutaxassisi Diyorbek Toyirov Taraqqiyot MFY va Xonchorbog‘ MFYda bo‘lib, “Kambag‘allikdan farovonlik sari” dasturi doirasida amalga oshirilayotgan ishlar bilan yaqindan tanishdi.

Tashrif davomida mahallalarda aholi bandligini ta’minlash, oilalarni kambag‘allikdan chiqarish, tadbirkorlik faoliyatini rivojlantirish hamda fuqarolarni doimiy ish bilan ta’minlash borasida olib borilayotgan ishlar muhokama qilindi. Shuningdek, mahalla faollari bilan birgalikda mavjud muammolar o‘rganilib, ularni bartaraf etish yuzasidan amalga oshirilishi lozim bo‘lgan ustuvor vazifalar belgilab olindi.

Ta’kidlanganidek, bu kabi amaliy uchrashuvlar aholining turmush darajasini yaxshilash, ijtimoiy faolligini oshirish hamda hududlarda farovon muhitni shakllantirishga xizmat qiladi.