AHOLI BANDLIGI VA TADBIRKORLIKNI RIVOJLANTIRISH MASALALARI MUHOKAMA ETILDI 

Xalq deputatlari Quva tumani Kengashi hamda ayni vaqtda Farg‘ona viloyati Kengashi
deputati F.Hashimova tomonidan Soyguzar mahalla fuqarolar yig‘inida hokim
yordamchisining faoliyati joyiga chiqqan holda atroflicha o‘rganildi. 

O‘rganish jarayonida aholi bandligini ta’minlash, fuqarolarni tadbirkorlikka jalb etish,
yangi ish o‘rinlari yaratish, kam ta’minlangan oilalarni qo‘llab-quvvatlash,
shuningdek fuqarolar murojaatlarining ijrosi va mahallada amalga oshirilayotgan
ijtimoiy-iqtisodiy ishlar tahlil qilindi. 

Shuningdek, o‘rganishlar davomida deputat mahalla faollari bilan uchrashib, hududdagi
mavjud muammo va takliflar yuzasidan ochiq muloqot o‘tkazdi. Suhbat davomida
aholini qiynayotgan masalalarni tizimli hal etish, infratuzilmani yaxshilash
hamda aholi farovonligini oshirishga qaratilgan taklif va tashabbuslar muhokama
qilindi. 

O‘rganish yakunlari bo‘yicha aniqlangan kamchiliklarni bartaraf etish hamda ish
samaradorligini yanada oshirish yuzasidan tegishli mas’ullarga tavsiya va
topshiriqlar berildi.