AHOLIGA KO‘RSATILAYOTGAN TIBBIY XIZMATLAR SIFATI O‘RGANILDI 

Xalq deputatlari Quva tuman Kengashi deputati Y.Axmadaliyev tomonidan tumandagi
20-son Oilaviy poliklinika faoliyatni oʻrganildi. 

Bunda asosiy eʼtibor poliklinikada aholiga koʻrsatilayotgan tibbiy xizmatlar sifati,
dori-darmon taʼminotining uzluksizligi, bemorlarga yaratilgan shart-sharoitlar
hamda tibbiyot xodimlarining masʼuliyatli faoliyatiga qaratildi. 

Aytish joizki, mazkur poliklinika bugungi kunda 15 nafar malakali tibbiyot xodimlari tomonidan hududdagi 6728 nafar
aholiga tibbiy xizmat koʻrsatmoqda. 

Oʻrganish davomida Oʻzbekiston Respublikasi Vazirlar Mahkamasining 2025-yildan “Birlamchi
tibbiy-sanitariya yordami muassasalarida Oʻzbekiston Respublikasi Davlat
byudjeti hisobidan qoplanadigan tibbiy yordamning kafolatlangan hajmlarini
tasdiqlash toʻgʻrisida” 382-son Qaroriga muvofiq ijtimoiy sugʻurta fondi
hisobidan dori-darmon vositalari uchun ajratilgani 12.564.000 soʻm miqdoridagi
pul mablagʻi hamda ushbu mablagʻlarni maqsadli va samarali sarflanish holati
ham tahlil qilindi. 

Shuningdek, poliklinikaga murojaat bilan kelgan fuqarolar bilan suhbatlar qurildi va
ularning fikrlari ham oʻrganilib, deputat tomonidan aholiga sifatli va
zamonaviy tibbiy xizmat koʻrsatishni yanada takomillashtirish, ajratilgan
mablagʻlardan oqilona va samarali foydalanishni taʼminlash, shuningdek,
dori-darmon taʼminotida uzilishlarga yoʻl qoʻymaslik hamda aholi murojaatlariga
oʻz vaqtida yechim topish yuzasidan poliklinika rahbariyatiga tegishli tavsiya
va takliflar berildi.