Xalq deputatlari Urganch shahar Kengashi deputatlari tomonidan aholi murojaatlarini tinglash va joylardagi ijtimoiy-infrastruktura muammolarini bartaraf etish borasidagi ishlar nafaqat so‘rov chiqarish, balki ularning yakuniy ijrosini ta’minlash darajasida qat’iy davom ettirilmoqda. 

Avval xabar berganimizdek, “Ko‘xna qal’a” mahallaning Baxtli oilalar ko‘chasi 18/2-uy hamda P.Mahmud ko‘chasi 42-uylarning tutash hududlarida yangi bolalar maydonchasini qurish masalasida haqli e’tirozlarini bayon etilgan edi. Ushbu masala yuzasidan Urganch shahar qurilish va uyjoy kommunal xo‘jaligi bo‘limi boshlig‘iga yuborilgan 91-ds-449-26-sonli deputat so‘rovi o‘zining ijobiy natijasini berdi.

Deputat Atayeva Mukaddas Matyakubovnaning qat’iy nazorati va mutasaddi tashkilotlarning tezkor choralar ko‘rishi natijasida yangi bolalar maydonchasini qurish masalasida deputat so‘rovi yuborilgan tashkilot tomonidan maqsadga muvofiqligi bildirilgan. 

Aholi uchun yangi bolalar maydonchasi quriladi. Zero, deputatlik nazoratining bosh maqsadi — xalqimizning og‘irini yengil qilish va hududlar obodligini ta’minlashdir!