Xalq deputatlari Urganch shahar Kengashi deputatlari tomonidan aholi murojaatlarini tinglash va joylardagi ijtimoiy muammolarni bartaraf etish borasidagi ishlar qat’iy davom ettirilmoqda.  

Xususan, Urganch - Shovot yo‘lidan Yuksalish ko‘chasi 12-yo‘lakka kirish yo‘lida hamda Urganch - Shovot yo‘lidan Tadbirkorlar ko‘chasi 6-yo‘lakka kirish qismi yo‘lidan ko‘rinib turibdiki, yo‘lning qatnov qismida muhandislik tarmoqlarini o‘tkazish maqsadida qazish ishlari olib borilgan. Ammo ishlar yakunlangach, ushbu joylar faqatgina shag‘al bilan to‘ldirilgan bo‘lib, asfalt qoplamasi qayta tiklanmagan.

Hozirda mazkur yo‘lakni asfalt qilish ishlari bo‘yicha Urganch shahar hokimininng o‘rinbosariga 103-ds-449-26-sonli deputat so‘rovi chiqarildi.