Xalq deputatlari Chilonzor tumani Kengashi sessiyasida mahalliy budjetning qo‘shimcha manbalaridan tumandagi 407-sonli maktabgacha ta’lim tashkilotiga 1 010 000 000 (bir milliard o‘n million) so‘m mablag‘ ajratish to‘g‘risida qaror qabul qildi.

Xalq deputatlari Chilonzor tumani Kengashi deputati, Adolat SDP a’zosi Tashmuhammedova Muhabbat Baxtiyorovna hamda kotibiyat mudiri, deputat Murotova Lola Ne’matjon qizi maktabgacha ta’lim tashkilotiga ajratilgan mablag'lar bo'yicha olib borilayotgan ishlar bilan tanishish uchu joyiga chiqib o‘rganishdi.

️O‘rganish natijasida ajratilgan mablag'lar bo'yicha hali ta'mirlash ishlari boshlanmaganligi va maktabgacha ta’lim tashkilotining eshik-rom qismlari eskirgan, ichki pardozlash ishlari talab etilayotgani va elektr tarmoqlari yaroqsiz holatda ekanligi aniqlandi

Bu mablag‘ eshik-romlarni almashtirish, ichki pardozlash va elektr qismini to‘liq ta’mirlash uchun yo‘naltiriladi.

Bolalarimiz xavfsiz va qulay sharoitda ta’lim olishi uchun zarur ta’mir ishlari yaqin vaqtda boshlanadi!

️Shaffoflik va natijaga yo‘naltirilgan ish – bizning asosiy tamoyilimiz!