Bugun erta tongda Zangiota tumanidagi “Motamsaro ona” yodgorligi poyida Vatanimiz tinchligi, xalqimiz farovonligi hamda bugungi osoyishta hayotimiz yo‘lida fidokorona xizmat qilgan insonlar xotirasiga hurmat bajo keltirildi. Tadbir davomida yodgorlik poyiga gulchambarlar qo‘yilib, ezgu tilak va samimiy minnatdorlik izhor etildi.

Xotira va qadrlash ruhida o‘tgan ushbu tadbirda Zangiota tumani hokimi Erkin Rustamov boshchiligida harbiy tuzilmalar hamda huquqni muhofaza qiluvchi idoralar rahbarlari, keng jamoatchilik vakillari, nuroniylar, yoshlar, davlat va jamoat tashkilotlarining faol xodimlari ishtirok etdilar.

Tadbir davomida yurt tinchligi va xalq osoyishtaligi yo‘lida xizmat qilgan fidoyi insonlarning jasorati, mardligi va matonati yod etilib, ularning xotirasi chuqur ehtirom koʻrsatildi. Zero, ajdodlar xotirasini ulug‘lash, ularning mardonavor hayot yo‘lini yosh avlodga namuna sifatida targ‘ib etish — bugungi kunning muhim ma’naviy qadriyatlaridan biridir.

Ana shunday qutlug‘ va mazmunli tadbirlar xalqimizning birdamligi, Vatanga muhabbati hamda milliy qadriyatlarga bo‘lgan yuksak hurmatini yana bir bor namoyon etadi.

✅Telegram (https://t.me/zangiota_tumani_hokimligi) 📹YouTube (https://youtube.com/@zangiotatumanhokimligi9256?si=-iq-ZO0K7omPOyRp)💬Fecebook (https://www.facebook.com/share/1Mf2arbzar/)🌐Website (https://gov.uz/oz/zangiota)📸Instagram (https://www.instagram.com/zangiota_tumani_hokimligi?igsh=MXFvYjFrY2Fzendsbw==)

Kanalga ulanish (https://t.me/zangiota_tumani_hokimligi)👈