“Romish” mahallasida “Buyuk Sharq renessansi” xalqaro olimpiadasi g‘olibini taqdirlash tadbiri tashkil etildi.
✔️Mazkur nufuzli xalqaro bellashuvda O‘zbekiston terma jamoasi 8 nafar ishtirokchi bilan qatnashib, yakunda 8 ta medalni qo‘lga kiritdi.
✔️E’tiborlisi, ushbu yutuqlardan biri Jondor tumani yoshlari hissasiga to‘g‘ri keldi. Jumladan, Jondor tumanidagi 44-umumta’lim maktabining 11-sinf o‘quvchisi Muhammad Primboyev xalqaro olimpiadada oltin medalni qo‘lga kiritib, yurtimiz sharafini munosib himoya qildi.
✔️Shu munosabat bilan Xalq deputatlari Jondor tumani Kengashining deputati O.Sherov tomonidan g‘olib o‘quvchi, uning ustozlari hamda ota-onasi samimiy muborakbod etildi. Tadbir davomida ularga tashakkurnoma va esdalik sovg‘alari topshirildi.
✔️Ta’kidlanganidek, bunday yutuqlar yoshlarimizning bilim va salohiyati, ustozlarning fidokorona mehnati hamda ta’lim tizimida yaratilayotgan imkoniyatlarning amaliy natijasidir.
✔️Yosh avlodning ilm-fan yo‘lidagi muvaffaqiyatlari bundan buyon ham keng qo‘llab-quvvatlanadi.