Tadbirkorlar va ishbilarmonlar xarakati O‘zbekiston Liberal-demokratik partiyasi Mirzo Ulug‘bek tumani Kengashi tomonidan Partiyaning saylovoldi dasturida belgilangan vazifalardan kelib chiqib, yoshlar ishtirokida targ‘ibot tadbiri o‘tkazildi. 

Tadbirda mamlakatimizda amalga oshirilayotgan keng ko‘lamli islohotlar, yoshlarga yaratilayotgan imkoniyatlar hamda siyosiy sohada olib borilayotgan ishlar haqida atroflicha fikr almashildi.

Muloqot davomida partiyaning maqsad va vazifalari, aholi, ayniqsa yoshlarning jamiyat hayotidagi faolligini yanada oshirish borasidagi tashabbuslari haqida ma’lumotlar berildi. 

Shuningdek, yoshlarning murojaat va takliflari yuzasidan suhbatlar o‘tkazilib, mamlakat taraqqiyotida yoshlarning o‘rni va mas’uliyati muhim ekanligi ta’kidlab o‘tildi.