Joriy yilning 12-may kuni xalq deputatlari Zarafshon shahar Kengashining Agrar, suv xo‘jaligi va ekologiya masalalari bo‘yicha doimiy komissiyasining navbatdagi yig‘ilishi o‘tkazildi. Yig‘ilishda shaharda jamoatchilik fikri asosida ishlab chiqilgan “Mening bog‘im” loyihalarini shakllantirish va moliyalashtirish tartibi to‘g‘risida”gi shahar qurilish bo‘limining hisoboti hamda shahar Kengashining “O‘zbekiston Respublikasi Vazirlar
Mahkamasining “Shaharlar va boshqa aholi punktlari ko‘chalari hamda ichki yo‘llar infratuzilmasini yanada takomillashtirish to‘g‘risida”gi 2024-yil 11-oktabrdagi 665-sonli qaroriga muvofiq Zarafshon shahar obodonlashtirish boshqarmasi tasarrufidagi ichki yo‘llarni saqlash va joriy ta’mirlash ishlari bo‘yicha 2026-yil uchun manzilli ro‘yhatini tasdiqlash to‘g‘risida” gi qaroriga o‘zgartirish kiritish to‘g‘risidagi masala muhokama qilindi. Doimiy komissiya a’zolari hamda ekspert guruhi a’zolari ushbu masalalar yuzasidan o‘zlarining taklif va mulohazalarini bildirishdi. Doimiy komissiyasi tomonidan ushbu masalani xalq deputatlari shahar Kengashining navbatdagi sessiyasida ko‘rib chiqish yuzasidan xulosa berildi.