#deputat_axboroti #poytaxtdeputatlari #deputatlik_faoliyati

❗️Xalq deputatlari Toshkent shahar Kengashi deputati Majid Taxirov 2026-yilning birinchi choragi bo‘yicha axborot berdi

🏛 Xalq deputatlari Toshkent shahar Kengashi deputati Majid Taxirov 2026-yilning birinchi choragi davomida amalga oshirilgan deputatlik faoliyati yuzasidan saylovchilariga axborot berdi. Uchrashuvda Xadra, O‘rda, Gulbozor, Labzak hamda Olmazor mahalla fuqarolar yig‘inlari faollari, mahalla “yettiligi” vakillari va keng jamoatchilik ishtirok etdi.

📝 Tadbir davomida deputat tomonidan hisobot davrida hududlarda olib borilgan o‘rganishlar, fuqarolar bilan ochiq muloqotlar, sayyor qabullar hamda aholi murojaatlari asosida amalga oshirilgan ishlar xususida batafsil ma’lumot berildi. Xususan, mahallalarda mavjud ijtimoiy va infratuzilmaviy muammolarni tizimli hal etish, fuqarolarning taklif va tashabbuslarini o‘rganish hamda ularni amaliy yechimga yo‘naltirish deputatlik faoliyatining ustuvor yo‘nalishlaridan biri bo‘lib kelayotgani ta’kidlandi.

🔎 Uchrashuvda fuqarolar tomonidan O‘qchi–Olmazor MFY binosini qurish, ijtimoiy himoyaga muhtoj aholiga tibbiy yordam ko‘rsatish, mahalla infratuzilmasini yanada yaxshilash, ko‘p qavatli uylar oldidagi yo‘laklarni ta’mirlash, shuningdek Xadra mahalla fuqarolar yig‘ini raisi saylovi bilan bog‘liq taklif va mulohazalar o‘rtaga tashlandi. Har bir murojaat yuzasidan atroflicha muhokama olib borilib, masalalarni tegishli tashkilotlar bilan hamkorlikda hal etish bo‘yicha aniq vazifalar belgilab olindi.

📉 Shuningdek, deputat hisobot davrida Xalq deputatlari Toshkent shahar Kengashi sessiyalari hamda tegishli doimiy komissiyalar majlislarida faol ishtirok etib, hududlarni kompleks rivojlantirish, aholi turmush farovonligini oshirish va mavjud muammolarni bartaraf etishga qaratilgan qator tashabbuslarni ilgari surgani qayd etildi.

💡 Ochiq muloqot ruhida o‘tgan uchrashuv yakunida saylovchilar tomonidan bildirilgan takliflar kelgusidagi faoliyatning muhim yo‘nalishlari sifatida belgilab olinib, hududlarda o‘rganishlar va aholi bilan bevosita muloqotlar izchil davom ettirilishi ta’kidlandi.

📱 Telegram 📱 Instagram 📱 Facebook 📱 YouTube 🔎 E-kengas