#tavsiyalar_asosida_dxm_huquqiy_yordam
Davlat xizmatlari markazida huquqiy yordam ham yoningizda.

Bugun Xalq deputatlari Kogon shahar Kengashi raisi A. Yangiyev, Sh. Isamutdinov hamda kotibiyat mutaxassislari I. Ikromov va Z. Temirovalar markazdagi yangilik bilan tanishdi.

Bu yerda oddiy xizmatlar bilan bir qatorda, endi fuqarolar advokat va notarius xizmatidan ham joyida foydalanishi mumkin. Ya’ni, huquqiy masala bilan alohida idorama-idora yurish shart emas — hammasi bir joyning o‘zida hal bo‘ladi.

Kimdir maslahat so‘raydi, kimdir hujjatini tasdiqlatadi — eng muhimi, odamlar uchun vaqt ham, qulaylik ham tejaladi.

Bu tizimning yana bir kuchli tomoni shuki, fuqaroga tushunarli, sodda va tez ishlaydigan muhit yaratilgan. Ortiqcha rasmiyatchilik emas, bevosita natija.

O‘rganish davomida shu narsa yaqqol sezildi: markaz asta-sekin “xizmat joyi”dan ko‘ra, odamlar muammosini hal qiladigan real yordam nuqtasiga aylanib boryapti.

Xalq deputatlari
Kogon shahar Kengashi
axborot xizmati

Telegram
Instagram
Facebook
Youtube
E-kengash