DEPUTAT SO‘ROVI NATIJASI: “GULBAHOR” MAHALLLASIDA SUV TA’MINOTI TIKLANDI

Xalq deputatlari Termiz tuman Kengashi deputatlari tomonidan joylardagi infratuzilma muammolarini bartaraf etish bo‘yicha tizimli ishlar olib borilmoqda.

Xususan, joriy yilning 24-aprel kuni “Gulbahor” mahallasi, Shodiyona ko‘chasida yashovchi aholining ichimlik suvi quvurlari yaroqsiz holga kelganligi va suv bosimi pasayib ketganligi yuzasidan deputatlik so‘rovi yuborilgan edi.

Amalga oshirilgan ishlar:

Nosozliklarni bartaraf etish: Murojaat asosida tuman “Suv ta’minoti” bo‘limi mutaxassislari va maxsus texnikalar jalb qilindi.

Texnik ko‘rik: Shodiyona ko‘chasidagi suv qudug‘ida “atkachka” (tozalash) ishlari bajarilib, quvurlardagi tiqilmalar to‘liq bartaraf etildi.

Natija: Hozirda hudud aholisiga tasdiqlangan reja-grafik asosida barqaror ichimlik suvi yetkazib berilishi ta’minlandi.

Xalq deputatlari tuman Kengashi kotibiyati aholi murojaatlari va deputatlik so‘rovlari ijrosini doimiy nazoratga olishda davom etadi.