Xalq deputatlari Bekobod tumani Kengashiga saylangan deputatlar B. Joʻrayev hamda S. Xidirovalar 9 may — Xotira va qadrlash kuni munosabati bilan tashkil etilgan obodonlashtirish va hashar tadbirlarida faol jamoatchilik nazoratini olib bordilar.

Deputatlar o‘z saylov okrugi hududidan o‘tgan avtomobil yo‘llari chetlarini tartibga keltirish, hududlarni chiqindilardan tozalash, daraxt va gul ko‘chatlariga ishlov berish hamda aholi tomorqasidan samarali foydalanish holatini o`rgandilar.

O`rganish davomida fuqarolar bilan samimiy muloqotlar olib borilib, mahallalarni yanada obod va ko‘rkam qilish, ekologik madaniyatni yuksaltirish hamda aholi o‘rtasida birdamlik va hamjihatlikni mustahkamlash masalalariga alohida e’tibor qaratildi.