Xalq deputatlari Uchquduq tuman Kengashiga 11-Geoliglar saylov okrugidan saylangan deputat A.Hamidov, tuman Kengashi kotibiyat mudiri M.Kamolovalar tomonidan Oʻzbekiston Respublikasi Oliy Majlisi Senati Kengashining 2025-yil 14-yanvardagi KQ-35-V-sonli “Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning “mahalla yettiligi” bilan oʻzaro hamkorligini yanada kuchaytirish chora-tadbirlari toʻgʻrisida”gi qarori ijrosi yuzasidan “Aytim” mahallasida oʻrganish ishlari olib borildi.

Oʻrganishlar davomida mahalla hududini kompleks rivojlantirish, aholi murojaatlari va mavjud muammolarni oʻrganish, hududdagi ijtimoiy-maʼnaviy muhit barqarorligini taʼminlash hamda mahallada olib borilayotgan bunyodkorlik va obodonlashtirish ishlari yuzasidan “mahalla yettiligi” vakillari bilan muloqotlar tashkil etildi.

Shuningdek, hududni rivojlantirishga qaratilgan dasturlar ijrosi, tashabbusli budjet asosida amalga oshirilayotgan loyihalar, yoshlar va xotin-qizlar bilan ishlash samaradorligi, aholining ijtimoiy himoyaga muhtoj qatlamlarini qoʻllab-quvvatlash masalalari ham atroflicha oʻrganildi.

Muloqotlar davomida fuqarolar tomonidan bildirilgan taklif va muammolarni tegishli tashkilotlar bilan hamkorlikda hal etish, mahallada madaniy-maʼrifiy tadbirlarni tizimli tashkil etish hamda aholi farovonligini oshirish yuzasidan zarur choralar belgilab olindi.