Xalq deputatlari Jondor tumani Kengashiga 4-Dalmun saylov okrugidan saylangan deputat O.SHerov hamda tuman Kengashi kotibiyati mudiri I.Xolov va bosh mutaxassisi R.Murodovlar hamkorligida “Qozoqon” mahalla fuqarolar yig‘inida saylovchilar bilan uchrashuv tashkil etildi.
✔️Uchrashuv davomida mahalladagi ijtimoiy muhit, aholi murojaatlari, tinchlik va osoyishtalikni ta’minlash, ayniqsa jinoyatchilikning oldini olish borasida amalga oshirilayotgan ishlar muhokama qilindi.
✔️Shuningdek, hudud profilaktika inspektori tomonidan mahalladagi jinoyatchilik holati, huquqbuzarliklarning oldini olish, yoshlar va oilalar bilan olib borilayotgan profilaktik ishlar, muammoli holatlarni bartaraf etish yuzasidan amalga oshirilayotgan chora-tadbirlar bo‘yicha hisobot taqdim etildi.
✔️Hisobot davomida mahallada sodir etilishi mumkin bo‘lgan huquqbuzarliklarning oldini olish, aholi o‘rtasida huquqiy madaniyatni oshirish, profilaktik tadbirlarni yanada kuchaytirish bo‘yicha fikr va takliflar bildirildi.
✔️Uchrashuv yakunida aholi tomonidan bildirilgan murojaat va takliflar tegishli tartibda o‘rganilishi hamda mavjud muammolarni hal etish yuzasidan amaliy choralar ko‘rilishi ta’kidlandi.