Xalq deputatlari Jondor tumani Kengashiga 4-Dalmun saylov okrugidan saylangan deputat O.SHerov hamda tuman Kengashi kotibiyati mudiri I.Xolov va bosh mutaxassisi R.Murodovlar hamkorligida “Dalmunobod” mahallasi hududida joylashgan 21-Oilaviy poliklinikada aholini bepul dori vositalari bilan ta’minlash holati o‘rganildi.
✔️O‘rganish jarayonida poliklinikada aholiga ajratilgan imtiyozli va bepul dori vositalarining tarqatilishi, ularning hisobini yuritish, dori zaxirasi hamda fuqarolarga o‘z vaqtida yetkazib berilishi masalalari ko‘zdan kechirildi.
✔️Shuningdek, tibbiyot muassasasi mas’ullari bilan suhbat o‘tkazilib, aholiga sifatli tibbiy xizmat ko‘rsatish, ayniqsa ehtiyojmand toifadagi fuqarolarni dori-darmon bilan uzluksiz ta’minlash borasida amalga oshirilayotgan ishlar muhokama qilindi.
✔️O‘rganish davomida markaziy dorixonadan olinadigan dori vositalarini saqlash va realizatsiya qilish xonasida shart-sharoitlar yetarli emasligi ya’ni sovutgich yo‘qligi muammosi mavjudligi aniqlanib, mavjud muammolarni bartaraf etish yuzasidan, tuman tibbiyot birlashmasi rahbari Ya.Olimov nomiga deputat so‘rovi yuborildi.
✔️Ta’kidlanganidek, aholi salomatligini muhofaza qilish, ularni zarur dori vositalari bilan ta’minlash masalasi doimiy deputatlik nazoratida bo‘lib qoladi.