Xalq deputatlari Jondor tumani Kengashiga 23-Ko‘liyon saylov okrugidan saylangan deputat U.Ro‘ziyev hamda tuman Kengashi kotibiyati mudiri I.Xolov va bosh mutaxassis R.Murodovlar hamkorligida “Xumdonak” mahalla xotin-qizlar faoli tomonidan amalga oshirilayotgan ishlar samaradorligi o‘rganildi.
✔️O‘rganish jarayonida xotin-qizlarni ijtimoiy qo‘llab-quvvatlash, ularning bandligini ta’minlash, tadbirkorlikka jalb etish, yoshlar va ayollar o‘rtasida huquqbuzarliklarning oldini olish borasida olib borilayotgan ishlar bilan yaqindan tanishildi.
✔️Shuningdek, mahallada “Ayollar daftari” asosida amalga oshirilayotgan ishlar, muammoli oilalarni qo‘llab-quvvatlash, ehtiyojmand xotin-qizlarga amaliy yordam ko‘rsatish hamda ularning murojaatlarini o‘z vaqtida hal etish masalalariga alohida e’tibor qaratildi.
✔️Mutasaddilar tomonidan xotin-qizlar faoli faoliyatida uchrayotgan ayrim muammo va kamchiliklar yuzasidan tegishli tavsiya hamda takliflar bildirilib, kelgusida amalga oshirilishi lozim bo‘lgan ustuvor vazifalar belgilab olindi.
✔️Ta’kidlanganidek, mahallalarda xotin-qizlar bilan ishlash tizimini yanada takomillashtirish, ularning jamiyatdagi faolligini oshirish hamda muammolarini manzilli hal etish borasidagi ishlarni izchil davom ettirish muhim ahamiyat kasb etadi.