#deputatlar_nazorati #poytaxtdeputatlari #deputatlik_faoliyati  

❗️Yangihayot tumanida ko‘prik va maktab holati o‘rganildi

🏛 Xalq deputatlari Toshkent shahar Kengashi deputati Shuhrat Sirojiddinov tomonidan Yangihayot tumanidagi hududlarda mavjud infratuzilma muammolari, xususan ko‘prik va 334-sonli umumiy o‘rta ta’lim maktabi holati hamda aholi murojaatlari joyiga chiqib o‘rganildi. Mazkur o‘rganishlarda “Milliy tiklanish” demokratik partiyasi Toshkent shahar Kengashi raisi Otabek Jiyanbayev hamda tuman Kengashi deputati Dilshoda Xursandova ham ishtirok etdi.

📝 Dastlab hududdagi ko‘prik va unga tutash avtomobil yo‘llarining holati ko‘zdan kechirildi. O‘rganish davomida ikki qatnov bo‘lagiga ega yo‘lning ko‘prik qismida torayib, bitta yo‘lakka birlashib ketayotgani transport harakati uchun jiddiy noqulayliklar keltirib chiqarayotgani aniqlandi. Shuningdek, ko‘prikning eskirgani sababli ta’mirtalab holatga kelgani hamda mazkur yo‘lning serqatnovligi tufayli aholi va haydovchilar xavfsizligi yetarli darajada ta’minlanmayotgani qayd etildi.

📉 Shundan so‘ng deputat 334-sonli umumiy o‘rta ta’lim maktabida bo‘lib, maktabda olib borilayotgan qurilish ishlari, reja chizmasi, jarayon sur’ati bilan tanishdi.

🗣 O‘rganish yakunlariga ko‘ra, aniqlangan muammolarni bartaraf etish, xususan ko‘prikni ta’mirlash, yo‘l infratuzilmasini yaxshilash, shuningdek maktabdagi mavjud kamchiliklarni bartaraf etish bo‘yicha tegishli tashkilotlarga aniq taklif va tavsiyalar ishlab chiqilishi belgilandi.

 📱 Telegram (https://t.me//poytaxt_deputatlari) 📱 Instagram (https://www.instagram.com/poytaxt_deputatlari) 📱 Facebook (https://www.facebook.com/poytaxtdeputatlari) 📱 YouTube (https://www.youtube.com/@poytaxtdeputatlari) 🔎 E-kengash (https://kengash.gov.uz/news?region_id=14&authority_id=424)