♻️ Өзбекстан ХДП Шымбай районлық Кеӊеси тәрепинен жаслар менен ашық пикирлесиў, олардың сиясий билимлерин арттырыў мақсетинде Шымбай районы Жаслар ислери бөлиминде “Қатарымыздағы жаслар” жойбары шеңберинде жаслар менен ушырасыў өткерилди.

📌 Илажда Өзбекстан ХДП Шымбай районлық Кеңеси баслығы С.Нурмамбетов, Халық депутатлары Шымбай районлық Кеңесиндеги партия топары ағзасы Х.Абдижалиев ҳәм де 

30-июнь Жаслар күни мүнәсибети менен Шымбай районы бойынша “Үмит ушқыны” көкирек белгиси менен сыйлықланған ҳәм белсенди жаслар қатнасты. 

🔹Ушырасыўда сөзге шыққанлар бүгинги күнде елимизде алып барылып атырған кең көлемли реформалар, соның ишинде, жасларға жаратылып атырған мүмкиншиликлер, олардың өз басламаларын жүзеге шығарыўлары ушын жаратылған шараятлар ҳаққында, соның менен бирге, партияның бағдарламалық мақсет ҳәм ўазыйпаларын үгит-нәсият етиўде партия шөлкемлери ҳәм депутатлар тәрепинен алып барылып атырған жумыслар ҳәм партияның жаслар менен ислесиў бағдарында алып барылып атырған жумысларға тоқтап өтти.

✅ Илажда “Үмит ушқыны” көкирек белгиси менен сыйлықланғанлар С.Қалбаев, Н.Рзағалиева, И.Досбергенов, Г.Жаксылыкова ҳәм де бир қанша белсенди жаслар партия қатарына жаңадан қабыл етилип, оларға партияның ағзалық гүўалықлары ҳәм естелик саўғалары тапсырылды.

➡️ Илаж қатнасыўшылары өзлериниң қызықтырған сораўларына жуўаплар алды.