Deputat munosabati
30-iyun – ilhom va mas’uliyat kuni Prezidentimizning yoshlar bilan uchrashuvi nafaqat muhim siyosiy voqea, balki men kabi sohada ishlashni tanlagan yoshlar uchun yo‘nalish, ishonch va ilhom manbai bo‘ldi.

Ayniqsa quyidagi so‘zlar meni chuqur o‘ylantirdi va ilhomlantirdi:

“Har bir yoshning ovozi eshitilishi kerak.”
Bu fikr men uchun oddiy shior emas, balki harakat mezoni. Endi men har bir yoshning muammosini tinglashga, ularning fikrini qarorlar markaziga olib chiqishga harakat qilaman.

“Yoshlar haqida emas, yoshlar bilan birga qaror qabul qilish zarur.”

Endi yoshlar faqat auditoriya emas — ular tashabbuskor, ishtirokchi va kelajak bunyodkori. Bu yondashuvni o‘z faoliyatimda asosiy tamoyil sifatida tanlayman.

“Tashabbus bildirgan har bir yigit-qiz orqasida jamiyatning umidi turadi.”

Meni va mening kabi minglab yoshlarda jamiyat umidi yashirin. Bu ishonchni oqlash uchun doimo izlanishda bo‘laman.

Endi men yoshlar bilan ishlashda: ularning ovozini tinglashga, ularni real imkoniyatlar bilan ta’minlashga, g‘oya va tashabbuslarini qo‘llab-quvvatlashga, ma’naviy va professional yuksalishlariga xizmat qilishga bel bog‘layman.

30-iyun — bu faqat bayram emas, balki yoshlarga bo‘lgan ishonchni oqlash uchun yangi mas’uliyat bosqichi!

Xalq deputatlari Sardoba tuman Kengashi deputati Abdumalikova Guljaxon Axatqul qizi