O‘zbekiston Respublikasi Prezidenti Shavkat Mirziyoyevning Mo‘g‘ulistonga amalga oshirgan davlat tashrifi nafaqat tarixiy ahamiyatga, balki amaliy jihatdan ham yuqori samaradorlikka ega bo‘ldi.

Davlatimiz rahbarining ochiq, pragmatik va xalq manfaatlariga xizmat qiluvchi tashqi siyosati tufayli O‘zbekiston bugun xalqaro maydonda tobora faol, ishonchli va barqaror hamkor sifatida e’tirof etilmoqda.

Mo‘g‘uliston bilan oliy darajadagi uchrashuvlar, o‘zaro ishonchga asoslangan muloqot va strategik yo‘nalishdagi kelishuvlar ikki mamlakat o‘rtasidagi munosabatlarda yangi bosqichni boshlab berdi. Tashrif
chog‘ida savdo-iqtisodiy, transport-kommunikatsiya, energetika, madaniy-gumanitar sohalarda erishilgan kelishuvlar yaqin istiqbolda sezilarli natijalarni beradi.

Bu tashrifning yana bir muhim jihati – Markaziy Osiyo va Osiyo-Tinch okeani mintaqalari o‘rtasidagi integratsiya jarayonlariga ijobiy turtki berishidir.

Prezidentimiz tashqi siyosatda olib borayotgan har bir tashabbus ichki barqarorlik, xalq farovonligi va milliy manfaatlarga xizmat qilmoqda. Bu esa, biz – xalq vakillari uchun ham alohida faxr va mas’uliyatdir.

Xalq deputatlari Muborak tumani Kengashi deputati Safarov Shokir Saidmurodovich