Xalq deputatlari viloyat Kengashiga Pastdarg‘om tumanidagi 45-Arabxona saylov okrugidan saylangan deputat Akbar Axtamov saylovchilari oldida, faoliyati doirasida qilingan ishlar yuzasidan hisobot berdi.

“Zangiboyi” mahallasidagi 75-umumta’lim maktabi binosida bo‘lib o‘tgan xisobot yig‘ilishida dastlab deputat partiyaning 2025-2029 yillarga mo‘ljallangan Saylovoldi dasturida belgilangan muhim ustuvor vazifalarga alohida to‘xtalib, ularning ijrosini ta’minlash, saylovchilarni qiynab kelayotgan masalalarga yechim topish borasida ko‘rsatilayotgan tashabbuslar haqida fikr-mulohazalarini bildirdi.