O‘zbekiston Respublikasining 2015-yil 29-dekabrda qabul qilingan O‘RQ-397-sonli “Veterinariya to‘g‘risida”gi Qonuni (yangi tahrir) veterinariya sohasidagi munosabatlarni huquqiy jihatdan tartibga solish, hayvonlar salomatligini muhofaza qilish hamda veterinariya xizmatlari faoliyatini takomillashtirishga qaratilgan muhim huquqiy hujjat hisoblanadi.

Mazkur Qonunning asosiy maqsadi hayvonlar salomatligini muhofaza qilish, yuqumli va xavfli kasalliklarning oldini olish, epizootik barqarorlikni ta’minlash, oziq-ovqat mahsulotlari xavfsizligini nazorat qilish hamda inson salomatligi va atrof-muhitni himoya qilishdan iborat.

Qonunga muvofiq fuqarolar veterinariya xizmatlaridan foydalanish, hayvonlar kasalliklari va ularning oldini olish bo‘yicha ishonchli axborot olish, xavfsiz chorvachilik mahsulotlarini iste’mol qilish hamda o‘z huquq va qonuniy manfaatlarini himoya qilish huquqiga ega.

Veterinariya organlari zimmasiga esa hayvonlar salomatligini muhofaza qilish, veterinariya-sanitariya nazoratini amalga oshirish, oziq-ovqat xavfsizligini ta’minlash, veterinariya xizmatlari sifatini oshirish, aholini veterinariya tadbirlari haqida xabardor qilish hamda sohaga malakali kadrlar tayyorlash kabi muhim vazifalar yuklatilgan.

Xalq deputatlari Qo‘qon shahar Kengashi