Кейинги йилларда мамлакатимизда телекоммуникациялар соҳасида тадбиркорлик фаолиятини амалга ошириш учун қулай шарт-шароитлар яратилган. Хусусан, ўтган даврда телекоммуникациялар тармоқларини лойиҳалаштириш, қуриш, улардан фойдаланиш ва уларга хизматлар кўрсатишга доир лицензия бериш тартиби соддалаштирилган.

Лицензия берганлик учун йиғимлар ва давлат божи тўловларини ягона биллинг тизими орқали амалга ошириш тартиби белгиланган. Бироқ телерадиоэшиттиришларни тарқатиш (намойиш қилиш) тармоқларини лойиҳалаштириш, қуриш, улардан фойдаланиш ва уларга хизматлар кўрсатишга доир лицензиянинг амал қилиши учун белгиланган йиллик давлат божларининг миқдори юқорилиги ҳамда давлат божини тўлашнинг амалдаги тартиби мураккаблиги мазкур соҳадаги тадбиркорлик фаолиятини янада ривожлантиришни чеклаб қўймоқда. Мазкур Қонун билан “Давлат божи тўғрисида”ги Ўзбекистон Республикаси Қонунига телерадиоэшиттиришларни тарқатиш (намойиш қилиш) тармоқларини лойиҳалаштириш, қуриш, улардан фойдаланиш ва уларга хизматлар кўрсатишга доир лицензия берганлик учун давлат божининг миқдори камайтирилишини ва уни йил давомида бўлиб-бўлиб тўлаш имконияти яратилишини, шунингдек маъмурий ислоҳотлар натижасида қайта ташкил этилган ижро этувчи ҳокимият органининг номи аниқлаштирилишини назарда тутувчи ўзгартиришлар киритилмокда.

Ушбу Қонун телерадиоэшиттиришларни тарқатиш (намойиш қилиш) соҳасида фаолиятни амалга ошираётган тадбиркорлик субъектларини ҳар томонлама қўллаб-кувватлашга, телерадиоэшиттириш тизимини модернизация қилишга, миллий мазмундаги дастурларни тайёрлаш жараёнини 2 сифат жиҳатидан янги даражага олиб чиқишга, шунингдек истеъмолчиларга замонавий миллий мазмундаги дастурларни такдим этиш имкониятларини кенгайтиришга хизмат қилади.