#qonunchilikdagi_yangiliklar #162_ta_eng_muhim_qonun #poytaxtdeputatlari #deputatlik_faoliyati

❗️ Mahalliy Kengashlar doimiy komissiyalari kesimidagi eng muhim qonunlar

🏛 Ijtimoiy soha, yoshlar siyosati, madaniyat va sport masalalari bo‘yicha doimiy komissiya faoliyatida milliy madaniy merosni asrab-avaylash, ma’naviy-ma’rifiy ishlarni rivojlantirish, madaniyat muassasalari faoliyatini qo‘llab-quvvatlash hamda bolalarni zararli axborotdan himoya qilishga qaratilgan qonun hujjatlarini chuqur o‘rganish muhim ahamiyat kasb etadi.

📁 Madaniyat va ma’rifatni rivojlantirish, tarixiy merosni kelajak avlodlarga yetkazish, kitobxonlik madaniyatini yuksaltirish hamda yoshlarni milliy va umuminsoniy qadriyatlar ruhida tarbiyalash davlat siyosatining ustuvor yo‘nalishlaridan biri hisoblanadi.

📝 Madaniyat va ma’rifat sohasi bo‘yicha o‘rganilishi lozim bo‘lgan muhim qonunlar:

📝 “Madaniy faoliyat va madaniyat tashkilotlari to‘g‘risida”gi O‘zbekiston Respublikasining Qonuni

📆 №O‘RQ-668 | Qabul qilingan sana: 20.01.2021

🔺 Mazkur qonun madaniyat muassasalari faoliyatini rivojlantirish, madaniy xizmatlar sifatini oshirish hamda milliy madaniyatni asrash va targ‘ib etishning huquqiy asoslarini belgilaydi.

📝 “Muzeylar to‘g‘risida”gi O‘zbekiston Respublikasining Qonuni

📆 №O‘RQ-177 | Qabul qilingan sana: 12.09.2008

🔺 Ushbu qonun muzey fondlarini saqlash, boyitish, ilmiy o‘rganish va keng jamoatchilikka yetkazish hamda muzeylar faoliyatini samarali tashkil etishga xizmat qiladi.

📝 “Axborot-kutubxona faoliyati to‘g‘risida”gi O‘zbekiston Respublikasining Qonuni

📆 №O‘RQ-280 | Qabul qilingan sana: 13.04.2011

🔺 Mazkur qonun axborot-kutubxona muassasalari faoliyatini rivojlantirish, aholining axborot resurslaridan erkin foydalanishini ta’minlash va kitobxonlik madaniyatini yuksaltirishga qaratilgan.

📝 “Arxeologiya merosi obyektlarini muhofaza qilish va ulardan foydalanish to‘g‘risida”gi O‘zbekiston Respublikasining Qonuni

📆 №O‘RQ-229 | Qabul qilingan sana: 13.10.2009

🔺 Qonun arxeologik yodgorliklarni muhofaza qilish, ilmiy tadqiq etish va ulardan oqilona foydalanishning huquqiy mexanizmlarini belgilaydi.

📝 “Madaniy meros obyektlarini muhofaza qilish va ulardan foydalanish to‘g‘risida”gi O‘zbekiston Respublikasining Qonuni

📆 №269-II-son | Qabul qilingan sana: 30.08.2001

🔺 Mazkur qonun tarixiy, me’moriy va madaniy meros obyektlarini asrash, restavratsiya qilish hamda ulardan samarali foydalanishni tartibga soladi.

📝 “Bolalarni ularning sog‘lig‘iga zarar yetkazuvchi axborotdan himoya qilish to‘g‘risida”gi O‘zbekiston Respublikasining Qonuni

📆 №O‘RQ-444 | Qabul qilingan sana: 08.09.2017

🔺 Ushbu qonun bolalarni ruhiy va jismoniy rivojlanishiga salbiy ta’sir ko‘rsatishi mumkin bo‘lgan axborotlardan himoya qilish, xavfsiz axborot muhitini yaratish hamda ularning manfaatlarini ta’minlashga xizmat qiladi.

💡 Ushbu qonun hujjatlarini puxta o‘rganish mahalliy Kengash deputatlariga madaniyat va ma’rifat sohasini rivojlantirish, tarixiy-madaniy merosni asrab-avaylash, kitobxonlikni ommalashtirish hamda yoshlarni milliy qadriyatlar ruhida tarbiyalashga qaratilgan islohotlarni samarali qo‘llab-quvvatlashda muhim huquqiy asos bo‘lib xizmat qiladi.

📱 Telegram 📱 Instagram 📱 Facebook 📱 YouTube 🔎 E-kengash